भारतमा गाईलाई राष्ट्रिय पशु घोषणा गरेर गौरक्षा गर्न अदालतको सुझाव

समाचार

भारतको इलाहाबाद उच्च अदालतले गाईको रक्षाको विषयलाई कुनै पनि धर्मसँग जोड्नु जरुरी नभएको बताउँदै गाईलाई राष्ट्रिय पशु घोषणा गर्नुपर्ने बताएको छ ।

अदालतले भारतको केन्द्र सरकारलाई यस विषयम विचार गर्न भनेको छ । बुधबार जावेद नामका एक व्यक्तिको याचिका खारेज गर्दै अदालतले यस्तो टिप्पणी गरेको हो ।

जावेदलाई गोहत्या अधिनियमको धारा ३, ५ र ८ अन्तर्गतका आरोप लगाइएको छ । अदालतले उनको याचिका खारेज गर्दै गौरक्षा केवल एक धर्मको जिम्मेवारी नभएको बताएको छ ।

गाई देशको संस्कृति भएको बताउँदै अदालतले गाईको रक्षा जोकोहीको जिम्मेवारी भएको बताएको छ । न्यायाधीश शेखर कुमारले फैसला सुनाउँदै केन्द्र सरकारले सदनमा गाईलाई कूल अधिकार दिने गरी नयाँ कानुनको प्रस्ताव ल्याउनुपर्ने बताए ।

न्यायाधीशले भने ‘गाईलाई राष्ट्रिय पशु घोषित गर्ने समय आएको छ । जसले पनि गाईलाइ दुःख दिन्छ, गाईलाई नोक्सानी पुर्याउने प्रयास गर्छन् उनीहरुविरुद्ध कडा कारवाही हुनुपर्छ ।

Leave a Reply

Your email address will not be published. Required fields are marked *